Chyngor Sir Fingal

Mae Kevin yn gweithio gyda Chyngor Sir Fingal fel Prif Uwcharolygydd Parciau’r awdurdod lleol. Mae hefyd yn Gadeirydd Grŵp Cydlynu Arfordirol Fingal sy’n cynnig fforwm i grwpiau’r gymuned leol a chynghorwyr etholedig sy’n bryderus ynghylch rheolaeth arfordirol. Kevin yw Llywydd presennol Sefydliad Tirlunio Iwerddon sef y corff proffesiynol sy’n cynrychioli Penseiri Tirlunio yn Iwerddon. Ar ben hynny, mae’n Gadeirydd Pwyllgor Ewropeaidd Parciau Trefol y Byd sef corff rhyngwladol sy’n cynrychioli gweithwyr proffesiynol parciau.

Mae gyrfa Kevin fel Pensaer Tirlunio a Pheiriannydd Amgylcheddol yn rhychwantu 35 mlynedd o weithio’n bennaf ym myd llywodraeth leol yn Iwerddon a’r DU. Yn ei waith, mae Kevin wedi bod yn gyfrifol am gyflwyno mentrau a strategaethau polisïau ynghylch Cynllunio Seilwaith Gwyrdd, ei Reoli a Hyrwyddo Iechyd. Hefyd, mae wedi rheoli prosiectau cyfalafol mawr ynghylch adfer tirweddau hanesyddol, seilwaith trafnidiaeth a datblygu parciau newydd, cyfleusterau chwaraeon a mannau gwyrdd trefol. Mae Kevin yn eiriolydd cryf dros fioamrywiaeth drefol a defnyddio Systemau Ecosystem ac Atebion Seiliedig ar Natur i fynd i’r afael â llawer o heriau trefoli cynyddol.

Mae Saul yn Wyddonydd Ymchwil gyda Chyngor Sir Fingal. Mae'n hanu o arfordir gwyllt yr Iwerydd yn Galway ond treuliodd y rhan fwyaf o'i amser yn astudio ac yn gweithio yn y DU lle cymhwysodd fel archeolegydd yng Ngholeg Prifysgol Llundain. Yna gweithiodd Saul mewn swyddi yn Amgueddfa Llundain, y Llyfrgell Brydeinig ac Ymddiriedolaeth Wellcome. 

Gyda chefndir mewn Astudiaethau Treftadaeth, mae ymchwil Saul yn canolbwyntio ar wella canfyddiadau’r cyhoedd o’r amgylchedd naturiol ac adeiledig ar draws amser a lle. Ar ôl gweithio ar draws nifer o amgueddfeydd a sefydliadau diwylliannol, mae Saul yn frwdfrydig am ddod â phob ffurf o dreftadaeth yn ôl i'r gymuned.